Ka Khasi Authors’ Society ka dei ka seng ki nongthohkot Khasi. La seng ïa ka ha ka 11 tarik Nailur, 1979. Ki jingthmu bakongsan jong ka ki long ban lum bad pynmih ïa ki jingtip ki ban ïarap ban kyntiew bad pynriewspah ïa ka ktien bad ïa ka thoh ka tar, ban pynshlur ïa ki nongthoh ba kin sei ïa la ki sap bad ban ïa phylliew jingmut para nongthoh ha ka ban trei ïa ki bynta ba bun kiba ïadei bad ka jingkyntiew ïa ka ktien Khasi khamtam ha ka liang ka thoh ka tar. Ka ‘tienphira (motto) jong ka seng ka long ‘Pyniar ïa ka ktien Khasi.’

Ki khyndai ngut ki nongseng banyngkong jong ka Khasi Authors’ Society ki long:-

I Bah B.C. Jyrwa; Bah H.W. Sten; Bah L.G. Shullai; Bah Donbok T. Laloo; Bah Hughlet Warjri Bah Kitbor Nongrum; Bah E. Weston Dkhar; Bah Krieshon Rapthap; Bah Hamarbabiang Mylliemngap.