Ha ka 5.7.2024, u Dr. Ricky A.J. Syngkon, MP Lok Sabha u la wan ban kynduh kyrpang ïa ki Nongkitkam bad ki Dkhot kiba hikai ha NEHU ha Conference Room jong ka Khasi Department NEHU. Kane ka jingïakynduh ka long halor ka jingpynkhlaiñ ïa ka jingïadei halor ka jingdawa ïa ka ktien Khasi ban pynrung ha ka khyrnit baphra. Ha ka jingïakynduh ka Seng ka la ïoh ban pdiang sngewbha bad ka jingkitbok ïa u kum u MP uba dang shu shah jied thymmai. Ha ka jingïakynduh ka Seng ka la ïoh ban pynpaw shibun kiei kiei kiba ïadei ha ka jingdawa ban pynrung ïa ka ktien Khasi ha ka khyrnit baphra bad la ïoh ruh ban ai ïa ki kot donkam na ka bynta kane ka jingdawa. Na ka liang u MP, u la pynpaw ban ïatreilang halor kane ka mat bad u kular ruh ban ïatrei ryngkat ryngkat na ka bynta ka jingmyntoi ka jaitbynriew halor ka ktien.