admin | Khasi Authors Society

La pynlong ïa kane jingïalang ha ka 22.9.2018 ha Shillong. La sdang da ka jingïalum paidbah ha Madan Iewrynghep ha kaba u Pa’iem Phrester Manik Syiem, Syiem ka Hima Nongkhlaw u la kyrkhu kyrdoh bad plie ïa ka jingïaïaid paidbah. Nangto la bteng ïa ka jingïaid shaduh Madan Malki ha kaba la pynlong ruh ïa ka jingïalang paidbah. La pynïaid ïa ka jingïalang da u Dr. K. D. Ramsiej, Vice President ka Seng bad ki riewshemphang kiba la ai jingkren ki long u Bah Samuel B. Jyrwa, Chairman ka NESO, Prof. Antoinette Kharmalki, Head Department jong ka Khasi NEHU, Dr. P. Nongtdu, Principal Jaiñtia Eastern College, Prof. S. Loniak Marbañiang u nonghikai ba la shongthait na NEHU, (L) Dr. Bajubon Kharlukhi, MP barim bad Prof. D. R. L. Nonglait, President ka Khasi Authors’ Society. Ki nongkren baroh ki la ai ka jingkren kaba shai bad don jingmut, kaba long ruh katkum ka matpdeng ba la buh, “Haba Im Ka Ktien, Im Ka Jaitbynriew’. Ha kane ka jingpynshai paidbah ha ryngkat ki jingthoh pyrta (placard/slogan), da ki phew hajar ki paidbah ki la wan ban ïa shim bynta shitrhem; kynthup naduh ki samla pule bad ki nonghikai na ki skul, kolej bad university, ki seng bhalang, ki seng saiñ pyrthei, ki seng niam, ki seng bapher bapher bad ki riew paidbah.

Ki artylli ki mat ba la ban bha da ka Khasi Authors’ Society ka long ba ka Parliament ka dei ban pdiang noh mardor ïa ka Ktien Khasi ban pynrung ha ka khyrnit baphra ha ka sien shong Dorbar mynta u snem bad ka Dorbar Thaw Aiñ jong ka Jylla Meghalaya ka dei ban pdiang noh ïa ka rai (resolution) ha ka Dorbar halor ka jingdawa ban pynrung noh ïa ka ktien Khasi ha ka khyrnit baphra jong ka Riti Synshar ka ri India.

Ha ka 11.9.2018, ka Khasi Authors’ Society (Ka Seng ki Nongthoh Khasi) ka la rakheïa ka lyngkhuh dap snemba 39 ïakaba la jukhot da ka Literary Day ha ryngkat ka LympungÏamir-jingtip (Seminar) halor ka phang “Haba im ka ktienim ka jaitbynriew” ha Khasi National Dorbar Hall, Shillong. Ha kane ka sngi u Dr.Donkupar Roy, Lamphang ka ÏingDorbar Thaw Aiñ ka Jylla u la long u Kongsan bad u Bah S. K. Sun, MLA ka Mawphlang Constituency kum u SymbudKongsan. Nalor ki jingkren, ki kongsan ki la ïohruh ban pyllaitpaidbahïa ki saw tylli ki kotba la thoh da ki dkhot; i) U Synñiang ki Nongthohkot Khasi (Vol.VII): Bah KrieshonRapthap bad Bah HamarbabiangMylliemngap – Bah K.W. Nongrum. ii) Ki saisniersyrdohtyngier – Bah Andreas Sun. iii) Ka kheiñkurkheiñkha Khasi – Bah Raphael Warjri bad iv) Haba Im Ka KtienIm Ka Jaitbynriew – Khasi Authors’ Society. Ha kane ka lympung la ïohruh ka jingkrenna ki riewshemphang Bah K. W. Nongrum, Dkhot KAS halor ka phang, “U Synñiang ki Nongthoh: Bah KrieshonRapthap bad Bah HamarbabiangMylliemngap” bad na u Bah R.G. Lyngdoh, Former Vice Chancellor jong ka Martin Luther Christian University, halor ka phang, “Ka Ktien bad ka JingïalongKawei ka Jaitbynriew”. La ïohruh ban samïa ka Khusnam Khasi Authors’ Society 2018 sha ki samlakibaïoh heh duh ki mark Khasi ha ki jingpulebapherbapher.

Sl. No.	Kyrteng	Skul/College	Kyrdan Pule	Mark ba ki Ϊoh
1.	Silencegist Sanglyne	St. Anthonys’s H/S School, Shillong	HSSLC (Science), MIL	94
2.	PhibadashishaTongper	Sohkha Govt. H/S School, Sohkha	HSSLC (Science), MIL	94
3.	Grace Mary Warbah	Shillong College, Shillong	HSSLC (Commerce), MIL	92
4.	Diana Pakem	St. Anthonys’s H/S School, Shillong	HSSLC (Arts), MIL	90
5.	Overlander Kharumnuid	Private Institution	HSSLC (Arts), MIL	90
6.	Elansing Sohkhlet	St. John Bosco Boys’ H/S School, Sohra	HSSLC (Arts), Elective	83
7.	Phibadonbok Nongtraw	Loreto Convent, Shillong	ICSE (class X), Elective	99
8.	Effie Indarity Syiem	Anderson H/S School, Nongstoin	SSLC, MIL	95

Khasi Authors Society

All posts by admin

Pynlong jingïaid bad jingïalang paidbah ka KAS ha Madan Malki, Shillong

Rakhe ka KAS ïa ka lyngkhuh dap snem ba 39 ha Khasi National Dorbar, Shillong

Pyniar ia ka ktien Khasi