Galleries

Rakhe ka KAS ïa ka Literary Day 2021

Gallery

Ha ka 11.9.2021 la rakhe ïa ka Sngi ka Thoh ka Pule (Literary Day) ha ryngkat ka Lympung Ïamir-jingtip (webinar) halor ka phang “Ka Jinglong Kyrpang u Khasi kum ka Jaitbynriew”. Ha ka jingrakhe la pynlong da ka webinar lyngba ka Zoom Video namar ka jingdon ka khlam Covid-19. U Ma Vincent Pala, MP Lok Sabha u la long u kongsan jong ka jingrakhe bad la pynïaid ïa ka jingïalang da ka Prof. S. Dkhar, Executive Member KAS. Ki riewshemphang ki long u Dr. Fabian Lyngdoh, MLCU, Shillong uba la ai jingkren halor ka phang “Ka jinglong kawei ka jaitbynriew” bad u Prof. Desmond L. Kharmawphlang, NEHU, Shillong uba la ai jingkren halor ka phang “Ka jinglong kyrpang u Khasi kum ka jaitbynriew: Ka Folklore kum ka ïitkhmih”.

Rakhe ka KAS ïa ka Sngi U Thomas Jones 2021

Gallery

Ha ka 22.6.2021 ka Khasi Authors’ Society ka la pynlong ïa ka jingrakhe ïa ka Sngi u Thomas Jones da kaba pynlong da ka Webiner lyngba ka Zoom Video halor ka phang; “Ka thymmei u Thomas Jones bad u Synñiang jong u sha ka Jaitbynriew”. Kane ka long namar ka jingpyrkhing ka Sorkar ban ïalum paidbah halor ka jingdon ka khlam jingpang Covid-19 (Lockdown). Ki riewshemphang ki long u Bah Phrikshon Kharshiing uba la kren halor ka phang “U Synñiang u Thomas Jones bad ka jingpyrto ka Jaitbynriew” bad Prof. D.R.L. Nonglait uba la kren halor ka phang “Ka thymmei u Thomas Jones”. Ïa kane ka webinar la pynïaid da ka Dr. Ailynti Nongbri, Dkhot KAS.