Ka Khasi Authors’ Society ka la leit ïashimbynta ha ka Shillong Literary Festival: New Delhi Prelude kaba la long ha ka 8 bad 9 tarik Jymmang, 2026 ha Bikaner House, New Delhi. Ha kane ka tamasa ba ar sngi la wan ban ïashim bynta da ki nongthoh bad ki riew wadbniah na kylleng ka ri bad ka jylla. Ïa kane ka prokram la pynlong da ka Meghalayan Age Ltd. bad u Myntri Rangbah ka Jylla, Shri Conrad Sangma u la long u Kongsan.

Ki dkhot ka KAS kiba la leit ïashim bynta ki long u Dr. K.D. Ramsiej, Dr. R.P. Kharshiing, Bah Phrikshon Kharshiing bad Bah Esmarjune Kharpan. Kiba la ai jingkren ha kane ka Festival na ka liang ka seng ki long ka Prof. Streamlet Dkhar bad Dr. Bandarilin Bairo.